«Мир Вам!». Вступайте в наше сообщество Фейсбук Молитвы на каждый день много интересной и полезной информации каждый день. «Ангела Хранителя Вам!» 

В современном мире по-настоящему счастливого человека достаточно трудно. Так как в силу многих экономических факторов семейное счастье начало измеряться финансовой устойчивостью. Безусловно согласно Законам Божьим, нужно довольствоваться тем, что есть. Но если у человека совсем тяжело тогда священнослужители рекомендуют читать акафист Иоанну Милостивому о деньгах. Именно он помогает тем верующим у кого безвыходная ситуация. Молитвенные прошения святому Милостивому помогает обрести уверенность в себе.

Житие Иоанна Милостивого

Молитва и акафист Иоанну Милостивому на деньги были написаны еще в древние времена. Он был сыном знатной семьи. Когда ему исполнилось 15 лет перед ним явился Спаситель, который указал на то как правильно жить. Именно с тех пор он начал раздавать всем нуждающимся людям. За всю свою жизнь он никого не обидел и всегда был очень щедрым к каждому.  Отдавая нуждающимся людям свои заработанные деньги ему посылалась еще большая финансовая благодать.

В чем помогает акафист

Читая акафист патриарху Александрийскому Иоанну Милостивому не нужно думать только о материальном благе.  Многие верующие верят, что чтение молитвенных прошений и акафиста помогает привлечь удачу. Кроме того, он помогает при:

  • преодолении обид на родственников,
  • преодолении печали и скуки,
  • в случаях кражи ценных вещей,
  • при кризисе в семейном финансовом положении,
  • скандалах в семье на фоне быта.

Христиане, которые обращаются к святому наделены большой силой. Благодаря молитвенному прошению человек заручается поддержкой, посланной Спасителем. Чтения акафиста не только помогает бедным избавится от нищеты, но и помогает исцелиться от многих болезней. При этом не стоит думать, что после чтения святого текста все проблемы сразу развеяться. Ведь такого в жизни не бывает. Помните это не магическое заклинание. Но если правильно читать молитвенное прошение и акафист регулярно, то все желания обязательно сбудутся.

Чтобы все прошения были услышаны святыми и Всевышним перед тем как начать читать их нужно обязательно получить благословение у священнослужителей. Рекомендуется проводить чтение ежедневно на протяжении 40 дней перед ликом святого патриарха. Перед его образом обязательно зажгите свечу. По возможности обязательно посещайте храм каждое воскресенье. Верьте в чудеса, и они обязательно исполнятся.

Текст акафиста:

Кондак 1

Избранный от мира предивный угодниче Христов, веры и истины благовестниче, ихже, яко добрый сеятель на ниве Христовой, в сердца чад Божиих усердно всеял еси, не престай моляся за ны ко Господу даровати земли нашей мир и безмятежие, Церкви святей от ересей и расколов ограждение, да твоими молитвами от бед избавляеми, благодарно зовем ти:

Радуйся, Иоанне, милостивый святителю.

Икос 1

Ангела, пламенеюща духом и во плоти суща человека, избра тя Господь быти служителем Церкве святей и овцам своим пастырем добрым, от юности бо твоея Богу единому сердцем и душею прилежал еси. Мы же, имея в тебе образ пастыря предивна, умильно взываем ти:

Радуйся, земли Кипрския благое произрастание;

Радуйся, иго Христово с радостию восприявый.

Радуйся, в незлобии сердце свое соблюдый;

Радуйся, всею душею Бога возлюбивый.

Радуйся, Тому ревностно послуживый;

Радуйся, пастырю Богом избранный.

Радуйся, благодатию архиерейскою увенчанный;

Радуйся, неба церковнаго украшение.

Радуйся, Иоанне, милостивый святителю.

Кондак 2

Видяще тя пастыря подвигом добрым подвизающася и, «аки елень на источницы водныя», к Богу устремляющася, стадо же свое словом Евангельским, аки ангельским хлебом, обильно питающа, святителю отче наш Иоанне, умиляемся сердцем и душею, благодаряще Бога, даровавшаго нам тебе, пастыря на ниве церковней верна и стража овец Его прилежна, и зовем Ему: Аллилуиа.

Икос 2

От юности твоея, святителю наш Иоанне, орлу уподобился еси, от мирския суеты к высоте небесней воспарив, да постигнеши глубины премудрости Божия и в свете истиннаго Боговедения стадо твое мудро просветиши. Мы же наставляеми тобою покланятися Богу, в Троице славимому, воспеваем ти похвалы сия:

Радуйся, процветый яко финикс многоплодный;

Радуйся, добр образ верным показавый.

Радуйся, Промыслом Божиим присно водимый;

Радуйся, премудрость Божию обретый.

Радуйся, Необъятнаго разумом верою объявый;

Радуйся, свет истинный всем возвестивый.

Радуйся, истинному Богопознанию научивый;

Радуйся, правды Божией глашатаю.

Радуйся, Иоанне, милостивый святителю.

Кондак 3

Яко серна от тенет, от суеты мира сего отбегл еси и к иноческому подвигу потщался еси, Христу Богу непорочным житием благоугодил еси, достоблаженне отче наш Иоанне, в трудех же и бдениих, от стражи утренния до нощи дремания веждома твоима и сна очесем не давал еси, сего ради жилище Духа Всесвятаго быти сподобился еси, в Троице певаемому Богу, яко орган многострунный, непрестанно воспевал сладостное: Аллилуиа.

Икос 3

Всемилостиваго Господа благосострадательное милосердие явися тебе, досточудне отче Иоанне, во образе боголепныя отроковицы, от маслин венец носящей, привлачающи тя подобитися деяньми твоими Всемилостивейшему Владыце; сего ради имение свое непрестанно расточал еси убогим и нищим, да богатство неистощимое приобрящеши на небесех. Мы же, видяще тя милостива помощника страждущих и благодетеля всех сущих в бедах, вопием ти таковая:

Радуйся, милосердию Божию подражавый;

Радуйся, любвеобильный попечителю недужных.

Радуйся, милостивый пастырю страждущих;

Радуйся, многопопечительный отче в бедах сущих.

Радуйся, щедрый дателю просящим;

Радуйся, безмездный питателю сирых.

Радуйся, яко расточал еси множество щедрот;

Радуйся, Иоанне, милостивый святителю.

Кондак 4

Видя Тя Пастыреначальник Христос милосердия евангельскаго ревнителя, служения же истинно христианскаго усердна исполнителя, постави Тя яко светильника светла на свещнице церковней, пастыря изрядна христоименитому стаду церкви Александрийския, яко да богомудро пасеши словесныя овцы на пажитех злачных и от ересей пагубных их избавляеши, да и тии, поминающе отеческая наставления твоя, воспоют Богу: Аллилуиа.

Икос 4

Прияв жребий апостольства от Господа твоего, чада своя духовная учением и отеческою любовию усердно наставлял еси, явил еси такожде образ ревностнаго исполнения дел благотворения, насыщая алчущих, одевая нагих и подавая утешение всем, сущим в скорбех. Мы же, славяще добр образ трудов твоих, ублажаем тя сицевыми похвалы:

Радуйся, нивы Христовой вертоградарю верный;

Радуйся, дел милосердия трудниче неутомимый.

Радуйся, слова Божия добрый сеятелю;

Радуйся, мудрый учителю, просвещающий верных.

Радуйся, любовию отеческою пасомых объемлющий;

Радуйся, светильниче веры, всех освещающий.

Радуйся, наставниче в добродетели всеусердный;

Радуйся, богомудрый пастырю словесных овец.

Радуйся, Иоанне, милостивый святителю.

Кондак 5

Путеводней звезде уподобился еси, Иоанне преподобне, указуя всем путь к Царству Небесному, егоже и сам стяжал еси, и душу твою, яко горницу сионскую, Христу, Новой Пасхе, уготовал еси, юже, видя смирением постлану и добродетелию украшену, освяти Пастыреначальник архиерейскою благодатию. Ты же, яко Петр Апостол, взывал еси Ему: «Господи, Ты вся веси, Ты веси, яко люблю Тя», непрестанно поя Ему: Аллилуиа.

Икос 5

Апостольское учение веры и Божественныя благодати наследие имея, святителю отче Иоанне, не от человек зван был еси, но от десницы Божией приял еси жребий служения архиерейскаго в Церкве святей, и бремя сие, яко крест Христов, на рамо твое взем, во всяком благочестии и чистоте словесных овец твоих упасл еси. Зряще тя пастыря добра Церкве Христовой прилежна, людие с любовию воспеваху ти:

Радуйся, кротостию и целомудрием украшенный;

Радуйся, смиренномудрием и любовию возсиявый.

Радуйся, молитвою чистою благоухаяй;

Радуйся, жертву чистую Богу приносивый.

Радуйся, приношения твоя молитвою освятивый;

Радуйся, апостольскою ревностию объятый.

Радуйся, подвигом добрым подвизавыйся;

Радуйся, яко в горнем Сионе пребываеши.

Радуйся, Иоанне, милостивый святителю.

Кондак 6

Проповедует тя Церковь Божия стража верна овец словесных, ихже ты в безгодие и дни треволнения мудре упасл еси, в вере Православней до конца соблюл еси и молитвою за вся пред жертвенником Господним предстоял еси, пастырю милостивый Иоанне, и тако просветися свет твой пред человеки, иже видеша добрая дела твоя и прославиша Отца Небеснаго, вопиюще Ему: Аллилуиа.

Икос 6

Возсиял еси, яко светило неугасимое, горением веры и чистотою души твоея во граде Александрии, святителю Иоанне, идеже Пастыреначальник Господь постави тя пасти овцы Его, имже ты воистину был еси правило жития чистаго и, яко страж недремлющ, в вере истинней паству свою утвердил еси, образ пастыря добраго оставив нам, приносящим ти благохваления сия:

Радуйся, бодренно словесныя овцы охраняяй;

Радуйся, отеческою любовию их утешаяй.

Радуйся, оградо их крепкая и несокрушимая;

Радуйся, лампадо светлая, в молитве неугасимая.

Радуйся, Православныя веры истинный ревнителю;

Радуйся, плевелов веры и нечестия искоренителю.

Радуйся, правило жизни верным являяй;

Радуйся, истины и правды наставниче.

Радуйся, Иоанне, милостивый святителю.

Кондак 7

Хотяй всем человеком спастися, ты всем вся был еси, да, якоже Павел, Христу всех приобрящеши, святителю отче Иоанне, апостольскими бо стопами грады и веси проходил еси, зной и мраз претерпевая, богатых и убогих, злых и добрых посещал еси, овых к целомудрию, овых к братолюбию призывая, а инех страхом Божиим пастырски вразумляя, заблуждших же и коснеющих в ересех и расколах отечески обличал еси и в вере Православней утверждал еси, да вси единеми усты и единым сердцем поют Триединому Богу: Аллилуиа.

Икос 7

Яко голубя яви тя Господь, святителю Иоанне, не ветвь бо масличную, но благовестие евангельское сущим в ковчезе церковнем приносил еси и усты Давидовы к Богу взывал еси: «Да внидет пред Тя молитва моя, приклони ухо Твое к молению моему». Помяни убо и нас, чтущих тя звании сими:

Радуйся, непрестанныя молитвы Богу приносивый;

Радуйся, чад своих страхом Божиим вразумивый.

Радуйся, покаянныя их воздыхания Богу возносивый;

Радуйся, в говении вкушавый ангельскую сладость.

Радуйся, терпением обретый евангельскую радость;

Радуйся, ковчеже, преисполненный благодатию.

Радуйся, Тайны Христовыми освященный;

Радуйся, Таинств Божиих дивный строителю.

Радуйся, Иоанне, милостивый святителю.

Кондак 8

Чудно творяй пути нашего спасения Человеколюбец Господь, видя тя пастыря овец своих прилежна и Православныя веры хранителя тверда, аки росу на руно Гедеоново, дарова тя пастыря изрядна своея пажити, святителю Иоанне, увенча земное странствие твое венцем нетления и постави тя пред Престолом Славы Своея молитвенника о нас, грешных, тепла. Сего ради, Богу, во благо вся устрояющему, со умилением зовем: Аллилуиа.

Икос 8

Всего себе в руце Божии предавый, к пастве твоей смиренно стопы своя направил еси, в нейже был еси убогим прибежище и бедствующим избавление, юным чистоты и целомудрия доброе наставление, вдовицам и сирым благое попечение, нерадивым чадом вразумление и во озлоблении сущим незлобивое обличение, Церкве Христовой от всякия напасти мудрое защищение, всех прибегающих к тебе утешая и благопотребная им ко спасению подавая. О сем приими от нас, почитающих память твою, похвалы таковая:

Радуйся, сокровище твое добре расточивый;

Радуйся, пламенне паству Христову возлюбивый.

Радуйся, жертвенную любовь пастве явивый;

Радуйся, в ближних своих Господа возлюбивый.

Радуйся, Господу своему верно послуживый;

Радуйся, архиерею Божий, свыше прославленный.

Радуйся, иерарше Христов, венцем славы увенчанный;

Радуйся, яко над многими постави тя Господь.

Радуйся, Иоанне, милостивый святителю.

Кондак 9

Вси людие христоименитыя паствы видеша тя, пастыря своего, смирением и милосердием сияюща, прославиша Бога, святителю отче Иоанне; ты же, любовию к ним исполненный, яко о чадех своих, слезныя молитвы Богу день и нощь изливал еси. Сего ради людие твои, умиляющеся сердцем и душею, воспеваху Богу, даровавшему им таковаго святителя дивна: Аллилуиа.

Икос 9

Како восхвалим по достоянию высоту смирения твоего, святителю Иоанне, имже укротил еси прегордаго клирика твоего, яко к нему, дышущему злобою на тя, ты у алтаря Господня поклонился еси, кротко прося у него прощения. Сим смирением своим ты паче громогласных словес обличил еси его, яко той, плача и рыдая, позна грех свой, раскаяся и за богоугодное житие сподобися священнаго звания. Мы же, от злых дел своих посрамляеми, дерзаем в покаянии звати Богу: «Господи! Даруй ми зрети моя прегрешения и не осуждати брата моего», тебе же приносити похвалы сицевая:

Радуйся, сосуде истиннаго смирения;

Радуйся, любве нелицемерныя рачителю.

Радуйся, агнче незлобивый, козни вражия поправый;

Радуйся, кротостию твоею досаждения покрывавый.

Радуйся, роптание и злохуление возненавидевый;

Радуйся, терпение крепкое стяжавый.

Радуйся, кадило чистаго благоухания;

Радуйся, светильниче неземнаго сияния.

Радуйся, Иоанне, милостивый святителю.

Кондак 10

Повеле Господь хотящим спасти душу свою: погубити ю ради другов своих. Ты же, святителю Иоанне, душу твою о пастве твоей полагал еси и до кончины жития жертву Безкровную за вся люди Богу принося, в кротости душевней взывал еси к Нему: «Господи, нас же всех, от единаго Хлеба и Чаши причащающихся, соедини, и ни единаго нас осуждения сотвори, но да обрящем милость и благодать со всеми святыми, от века Тебе благоугодившими, во еже звати Тебе: Аллилуиа».

Икос 10

Светозарную звезду Христос тя на высоте церковней яви, отче Иоанне, яко апостольский престол украсил еси изрядно делы божественными; милосердием же и милостынею паче всех милосердием возсиявших святых нареклся еси «Милостив»: обогати бо тя зело податель благих Христос, и житие твое, паче солнца возсиявшее, милосердия испусти лучи требующим, отгоняющия темный облак нищеты, всебогате. Сего ради мы, озаряеми немеркнущим светом милосердия твоего, вопием ти сице:

Радуйся, страннолюбче щедрый и пленных свободителю;

Радуйся, прошения обремененных скоро исполняяй.

Радуйся, слезы чад своих милостию осушаяй;

Радуйся, житие твое в милосердии проводивый.

Радуйся, преизобильное милосердие нам явивый;

Радуйся, добродетельми твоими Богу благоугодивый.

Радуйся, страже верный, благо Церкви соблюдаяй;

Радуйся, сосуде молитв, имиже демоны далече отступают.

Радуйся, Иоанне, милостивый святителю.

Кондак 11

Небесный глас: «Царь Царей зовет тя к Себе», слышати сподобился еси, святителю Иоанне, егда приближися кончина жития твоего. Бог управи стопы твоя на Кипр, идеже ты, достигнув отеческаго града твоего Амафунта, в мире преставился еси ко Господу, вознеся ему молитву: «Благодарю Тя, Господи Боже мой, яко сподобил мя еси принести вся Твоя Тебе, Емуже ныне предаю и душу мою». Мы же, ведяще яко Бог по блаженней кончине твоей дивно прослави тя, со умилением сердец вопием Ему: Аллилуиа.

Икос 11

Светило пресветлое Церкве Христовой возсиял еси, святителю Иоанне, в житии бо твоем и по преставлении к небесным чад твоих не оставляеши, но руце молебнии ко Христу воздеваеши о наших гресех и о всех людех, и тако гнев Божий, праведно на ны движимый, молением твоим умилостивляеши и время на покаяние даровати нам Его умоляеши, да не безплодны явимся пред лице Судии Праведнаго, но якоже мудрыя девы, со светильники веры исполненными. Сего ради тебе, пред Богом присному о нас предстателю, вседушевно взываем:

Радуйся, закоснелую совесть в нас пробуждаеши;

Радуйся, в евангельстей чистоте нас утверждаеши.

Радуйся, к чистоте сердца нас призывающий;

Радуйся, трапезою духовною нас питающий.

Радуйся, в невечернем дни дивно сияющий;

Радуйся, с лики Ангельскими обитающий.

Радуйся, в молитвах о нас не умолкающий;

Радуйся, предстателю наш у престола Божия.

Радуйся, Иоанне, милостивый святителю.

Кондак 12

Благодати неисповедимое знамение яви нам Господь, украси бо славный град Александрию, яко Ковчег Завета в древней Скинии двема Херувимы, столпами истины и любве: святителем Афанасием, безбоязненным блюстителем правила веры, и угодником Своим Иоанном, образ нам милосердия являющим, сим показуя, да вси вернии свято хранят истину и пребывают в любве, укрепляются в Православней вере и в радости душевней взывают Триединому Богу: Аллилуиа.

Икос 12

Поюще велия и преславная чудеса твоя, святителю Христов Иоанне, почитаем священную память твою и благоговейно молим тя, во еже милостивно даровати нам многая душам нашим полезная и ко спасению потребная. Мы же, имея тя неусыпна пред Богом о нас предстателя и заступника, благодарне зовем ти таковая:

Радуйся, Христом Богом возлюбленный;

Радуйся, теплый пред Богом предстателю.

Радуйся, упование призывающих тя с верою;

Радуйся, о чадех Божиих верный попечителю.

Радуйся, от всяких нас бед покрываяй;

Радуйся, проповедниче мира Божия.

Радуйся, апостольския веры твердый хранителю;

Радуйся, Православия неустрашимый исповедниче.

Радуйся, Иоанне, милостивый святителю.

Кондак 13

О всеблаженне пастырю наш, святителю отче Иоанне, приими малое сие моление наше, с любовию тебе приносимое, и умоли Христа Бога, да избавит нас от всяких бед, скорбей и напастей, и миром незыблемым жизнь нашу да оградит. Церковь же святую Свою от расколов и нестроений соблюдет, и вся люди Своя ко единомыслию веры и любве к Себе приведет, во еже в невечернем дни Царствия Его всегда воспевати Ему: Аллилуиа.

Кондак 13

О всеблаженне пастырю наш, святителю отче Иоанне, приими малое сие моление наше, с любовию тебе приносимое, и умоли Христа Бога, да избавит нас от всяких бед, скорбей и напастей, и миром незыблемым жизнь нашу да оградит. Церковь же святую Свою от расколов и нестроений соблюдет, и вся люди Своя ко единомыслию веры и любве к Себе приведет, во еже в невечернем дни Царствия Его всегда воспевати Ему: Аллилуиа.

Кондак 13

О всеблаженне пастырю наш, святителю отче Иоанне, приими малое сие моление наше, с любовию тебе приносимое, и умоли Христа Бога, да избавит нас от всяких бед, скорбей и напастей, и миром незыблемым жизнь нашу да оградит. Церковь же святую Свою от расколов и нестроений соблюдет, и вся люди Своя ко единомыслию веры и любве к Себе приведет, во еже в невечернем дни Царствия Его всегда воспевати Ему: Аллилуиа.

Икос 1

Ангела, пламенеюща духом и во плоти суща человека, избра тя Господь быти служителем Церкве святей и овцам своим пастырем добрым, от юности бо твоея Богу единому сердцем и душею прилежал еси. Мы же, имея в тебе образ пастыря предивна, умильно взываем ти:

Радуйся, земли Кипрския благое произрастание;

Радуйся, иго Христово с радостию восприявый.

Радуйся, в незлобии сердце свое соблюдый;

Радуйся, всею душею Бога возлюбивый.

Радуйся, Тому ревностно послуживый;

Радуйся, пастырю Богом избранный.

Радуйся, благодатию архиерейскою увенчанный;

Радуйся, неба церковнаго украшение.

Радуйся, Иоанне, милостивый святителю.

Кондак 1

Избранный от мира предивный угодниче Христов, веры и истины благовестниче, ихже, яко добрый сеятель на ниве Христовой, в сердца чад Божиих усердно всеял еси, не престай моляся за ны ко Господу даровати земли нашей мир и безмятежие, Церкви святей от ересей и расколов ограждение, да твоими молитвами от бед избавляеми, благодарно зовем ти:

Радуйся, Иоанне, милостивый святителю.

Молитва

Святителю Божий Иоанне, милостиве защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех. Не престай моляся ко Господу о всех с верою притекающих к тебе! Ты, преисполнен сый Христовы любве и благости, явился еси яко чудный чертог добродетели милосердия и стяжал еси себе имя «Милостивый».

Ты был еси яко реко, непрестанно текущая щедрыми милостьми и всех жаждущих обильно напаяющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом «всякия утехи», да вси, прибегающии к тебе, обретают мир и безмятежие: даруй им утешение в печалех временных и пособие в нуждех житейских, вселив в них надежду вечнаго упокоения во Царствии Небеснем.

В житии твоем на земли ты был еси пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом Богом на Небеси, яви всем покланяющимся пред честною твоею иконою и молящимся о помощи и заступлении. Не точию сам ты творил еси милость беспомощным, но и сердца других воздвигал еси ко утешению немощных и к призрению убогих.

Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да вселится в них мир и радость о Дусе Святе, во славу Господа и Спаса нашего Иисуса Христа, во веки веков. Аминь.

Смотрите еще видео рассказ о святителе Иоанне:

Так же читайте:  3 православные молитвы Спиридону Тримифунтскому

Молитва «Величит душа моя Господа»
Молитвы, псалтыри, песнопения, каноны, акафисты – это неотъемлемые составляющие каждого богослужения. Среди них можно выделить песнь Богородицы «Величит душа моя Господа». Она предшествует девятой песни канона на утр... Read more
Молитва путешествующим Богородице
Каждый христианин просит защиты у святых. Такие прошения помогают многих верянинам избавится от недуга, наладить отношения в семье, быстро и легко наладить личную жизнь и многое другое. Тем, кто любит путешествовать, ч... Read more
Молитвы от одиночества для женщины Богородице
Каждым человеком в этой жизни должно руководить такое чувство как любовь.  Именно это чувство приносит в нашу жизнь счастье, вдохновение и смысл. Наверняка согласится большинство верующих людей, что без второй половин... Read more
Молитва Николаю Чудотворцу от тюрьмы
Есть такое высказывание в народе «От сумы и от тюрьмы не зарекайся». Жизнь наша очень переменчива и может случится все, что мы даже себе не можем представить. Нельзя быть уверенным в том, что Вас не подставят или Вы не бу... Read more
Молитва Николаю Чудотворцу о беременности
Для каждой женщины возможность родить ребенка – это неимоверное чудо, которое помогает укрепится семье и познать все прелести материнства. У кого-то забеременеть получается с первого раза, но у некоторых возникают с э... Read more
Молитва о сохранении беременности Николаю Чудотворцу
Молитва о сохранении беременности и рождении здорового малыша святым и обращение к ним за помощью помогут преодолеть все трудности. Дети – это не только радость, которую они приносят со своим появлением в наш мир. Это ... Read more
Молитва на исполнение желания Матроне Московской
Наверно любой человек хочет, чтобы его желания сбывались. Если верить и приложить усилия, то мечты сбываются. Срабатывает закон притяжения, о чем мечтаем, то и получаем. Молитва Матроне на исполнение желания тому свидет... Read more
Как носить ладанку Матроны Московской
Многие люди верят в силу амулетов, оберегов и талисманов. Одним из таких символов служит ладанка Матроны Московской. Что такое ладанка Это маленький мешочек из кожаного или тканевого материала. Название произошло о... Read more
Молитва Матроне Московской о любви к парню
Если девушку мучает безответная любовь к парню, то поможет молитва Матроне Московской о парне. Но если девушка пытается привлечь молодого человека ради развлечений, то ничего хорошего не выйдет. Только  светлая и искр... Read more
Акафист Иоанну Милостивому

Добавить комментарий

Ваш e-mail не будет опубликован. Обязательные поля помечены *